Les Pages Jèrriaises

Du fromage

 

Un homme restit à couochi siez un anmîn eune séthée et à san souper nou lî donnit, entre aut' choses, du souo-disant fameux fromage dé tchique espèce. I' n'put pas s'pèrmettre d'y touchi, mais n'voulant pas offenser s'n anmîn, au moment qu'i'n'y'avait pèrsonne à r'garder i' happe lé gobîn d'fromage tch'était sus s'n assiette et l'muche dans eune potée d'gérémienes à eune vèrge d'li. V'là tchi fut bein, mais un tchînze jours auprès né v'là un télégramme tch'arrive pour notre homme, dé s'n anmîn. Né v'chîn chein tch'était sus l'télégramme:

“J'savons bein tch'est qui l'fit, et j'savons bein tch'est qu'ch'est, mais, j't'en prie, pour l'amour dé nous, dis-nous ioù l'trouver”

 

FLM
1940


 

Viyiz étout:

 

Les Pages Jèrriaises