Un jeune homme de dans iune des pâraisses d'amont mathyi une villaise i' y a tchiques semaines.
L'aut'e jour i' tithi un lapin, et i' d'mandi à sa jeune femme de li arrangi pour san diner.
Quand i' rentri à douze heuthes i' la trouvi à plieuther comme un êfant.
“Tch'est qu'tu as don, ma chiéthe?” i' li d'mandi.
“Oh,” ou' li raiponni, “le diner n'est pas prêt, j'ai 'té toute la matinée à êprouver à pliumer l'maudit lapin, et j'n'ai pas peu en r'pather!”
Caouain 1924
Viyiz étout: