.
|
Au Picnec j'avaisme deux chars-à-bancs Hieun pour les petits, l'autre pour les grands La compagnie 'tait misce, hieun avai, Quicq'uns qui n'voulaient pon s'entre paullé. Par plusieurs fais, je pensais vais du bri, Entre le p'tit LUTIN et CHARLES D'GRUCHY, Le sien du Bannelais, car pas un mot, Se dirent-ti, en sortant de XBO Et bain des fais damme, sus le quemin Je pensais que CHARLES ethai paffai le l'ptit LUTIN, Nou n'éthai jamais pensai mettre PH'LIP RONDÉ Avec PHILIPPE AUBIN, le fis au Député, Et CLEM PINÉ, d'Egypte, étheai nou pensai A mettre Mousieu NICOLLE avec ditai Ou s'en cas, nou le fétheai, tout exprès Pour pus tard avé dé même sa vouaie. J'stertimes de XBO dans la matinaie, Aprés avai étai très bain rigalais Je nos n'allimes, pour accourchi, par Sion. Just'en sortant, Mess POCK fut oquo bain bon Y nos offri de nos donné du paisson Je le remercîmes, car il éthai sentu Devant êtres venus siez Missis ARTHU. Chétai bain bon de sa part, car je cré Qui voulait, tout buonn'ment nos le donné, Et che n'était pon dutout en mocq'thie One Mess POCK vint faithe l'offre qui fit. D'vant sorti d'XBO, nou z'en étheai ri, Car pour quant à mé j'en en bain du ji. Le fis a DOUARD STER et l'p'tit LUTIN voulaient allé, Dans la wagonnette que lé Connêtable itheai. (A suivre.) |
Viyiz étout: