|
S'tu t'dêhale à la bouaîs'sie aniet, tu t'en vas êt' bein ravi; s'tu t'dêhale à la bouaîs'sie aniet, tu'éthas don à t'y sîlyi - car touos les ours d'avaû not' histouaithe lus y rassembliéthont - ah mais, véthe! Aniet ch'est l'jour qu'les ours en pliuque ont lus piquenique. Châtchun d's ours en pliuque tch'a 'té bouôn y'étha eune bein bouonne bordée, un tas d'fricots au goût d'èrva-s-y et d'mangnifiques gammes à jouer. Et souos les bouais, où'est qu'pèrsonne n'y vait, i' cache-much'chont quandi qu'nou-s'y pliaît: ch'est coumme chenna qu'les ours en pliuque ont lus piquenique. S'tu t'dêhale à la bouaîs'sie aniet, n'y va pon à tan tout seu; i' fait bé à la bouaîs'sie aniet mais v'là tchi m'niche du malheu - car touos les ours d'avaû not' histouaithe lus y rassembliéthont - ah mais, véthe! Aniet ch'est l'jour qu'les ours en pliuque ont lus piquenique. Ours en pliuque à piquenitchi! Ches pétits ours en pliuque à ch't' arlévée sont à lus rêjoui. I' paîssent où'est qu'i' sont fitchis et font eune bordée d'fanne et bein du ji. Viyiz-les à jouarôler: il' aiment bein braithe et jouer - tchi braithie et tchi jouôthie! Dans les siêx heuthes lus M'mèes et P'pèes les gliain'nont à tâner pa'ce qu'i' sont lâssés, ches p'tits ours en pliuque. |
Viyiz étout: