Hi y'a tait sept annez,
Ma fé, j'crai ch'est ben assez,
Y n'a auqu'un divilguèz',
Hi dit amen après la prieth'.

Trais fais mins par le Luothi,
Avec MESSERVY en tête,
Le vela êcherfourchi
Sus VESCONT' com' un' bête.

Chn'est pas sa faute damme,
Car hi dit q'chest san garson
Qui q'c'mande la femme,
Et l'y, le rest' d' la maison.

Le garson est prêt, nou dit,
A servi sa paraisse,
Et pour l'île en entié
A travailli y s'empress'.

Le v'la en bouen' compagnie,
Et Ph'lip d'la Port' pourra
L' ensigni comment s'prendre
A travailli tout chonna.

Et comment gardé des Râts
Pour payi son êlection,
Avec des Billets à ordre,
Ou tel' considéthation.

De chut' manieth' la,
Le pus du à comprendre
De honte en roueghitha,
A tout ch'la faut s'atendre.

Hi pourra l'ensigni
D'avé, devant l' Assembiée,
Le Comité réuni
Pour vais ses comptes passez.

Et pis com' sag' précaution,
Y v'nait une dem'heuze tard,
Pour êvité tout' disqussion
Sur tous les Râts en retard.

"La Liste," j'lai oubliaie,
Je l'éthais ben apportez,
Je n' criais pon cous' s'ait démandée
Ainchin d'année en année.

Un' aut' faie nou la d'mandait,
Et avec apion y dit,
Ou' l'est siès Moussieu Godfray,
Hi disait un' fichue men'tie.

Mais chain q'était le pieze,
Chétait chut' pierre cassée
Du haut de la Carriethe
A Maît' Philip de Sain'-Croix.

PHILIPPE, tu'as yeu grand tort
D'êcouter tan garson;
D'té dithe, je me fais fort,
Tu la perdras, t'n'êlection.

Fallait pon touenné câsaq'
Ov DOITHET fallait resté;
La Pâraiss' à raid'-brache
S'en r'va dans san puté.

PH'LIP GODGEAUX n'est pon qotheux,
Hi marche à deux bâtons;
Mais, sa lang' ou va pour deux,
La y n'y 'st pon à tâtons.

Hé ben, s'i'n va pon vite,
I' pathaitrait qui yétha
Dans la Neuv' sall' un' LIFT,
Ou chiq' chos' com' chonna.

Et pis, mondou, car si faut
Hi peut faith' un grand servic';
Hi peut prêté ses trais ch'vaux
Es siens qui'n sont pon riches.

V'nez tous lé jour d'l'êlection,
Donnez li des good plumper;
Car hil es un bouan garson;
Hous' éthez des full bumper.

Y'en étha, chu jour là, à talarigo,
Com' dans l'êlection de JEAN DENNIÉ CABO.

PH' LIP HIÈS-TU.?

Nais du Ghuet,
La Trin'té.
Chu Prumi
De Janvi,
Quatre-ving-set.