J'aime bein mangi lé fronmage, mé ! Mais ma femme, ou n'l'aime pon vraiment ; n'împorte pon si ch'est du Cheddar, du bliu fronmage, d'la tête dé nègre (du fronmage hollandais) ou même du fronmage d'biche, ou n'aime pon l'gout. Et don, nou n'trouve pon fort d'fronmage dans l'frigo siez nous.
L'êté, j'avons 'té en France pouor nos vacances, et la France est èrnomée pour ses fronmages - nou dit qu'i' y'en a iun pour châque jour dé l'année. Jé l'considéthe man d'vé d'en gouôter autant qu'pôssibl'ye quand j'y sis ; eune assiettée d'chîn' ou siex sortes auve d'la salade m'fait un r'pas rouoya ! Dans les montangnes du Cantal, dans l'Massif Central, j'mangis la truffade, en pensant qu' név'chîn tchiquechose tchi s'sa mangnifique en hivé siez nous. Dans not' restaurant favori, j'trouvis l'èrchette.
Viyiz étout: