Aniet les Nouormands sont à faithe la fête.
Nou vait les mousses tchi jouent eune gamme dé tchil'yes.
La plyie m'niche dé tchaie bétôt sus nos têtes.
Hamptonne est pliein d'mousses, pathents et fanmil'yes.
J'avons des êtchipes dé télévîsion
Auve câbl'yes, et microphônes, et quéméreurs.
Les chapieaux ès chanteurs sont eune vîsion
Pouor les cheins tchi les vaient. Les vîsiteurs
Peuvent mangi des mèrvelles, des pais au fou,
Peuvent pâler lé Jèrriais hors dans lé bel,
La langue Nouormande et l'Dgèrnésiais étout.
Ma fé! J'vos dis: la journée, est-alle belle!
La Fête Normande,
Hamptonne.
Sanm'di lé dgiêx-sept d'Avri 1999
Viyiz étout: