|
Y'avait eune fais l'Tchian du Bouôlay tchi hueûlait la niet ses ièrs fliambaient ses dents grînchaient... nou l'vait aniet dans l'mûsée |
|
Driéthe la strade y'a eune pathade dé scrits êcrits pouor faithe rithe blianc des fliotchets d'gens lés v'chîn à vaie en Jèrriais |
|
Chu j'va-chîn à craûler n'couort pon dans un clios Les mousses ichîn peuvent jouarôler et sauter comme des fos mais lé j'va, li, veurt gînmôler un lopîn d'chucre - ou raîque un mio |
|
Nou dêmuchit eune anichette dé pièches dé sou Nou dêfouit des brédelles et miettes ichîn l'tou chutte mouontréthie a 'té faite pouor touos vous |
|
Quand nou monte dans san pommyi, ch'est bein mus dé s'dêf'ler, mais comme tchi mus s'apaîsi? V'nîn ichîn au mûsée. Lé cidre monte vite à la tête, mais d'vale quédaine au ventre, V'nez du nor'-ouêt ou du su'êt' - tout amende quand nou-s'entre. |
|
Chu portrait s'amoussiote: qu'i' s'botte! Chu portrait fait des teurts: y'étha des plieurs! Chu portrait fait d'san tchian: all'-ouos-en! Faithe des faches et sifèches? Qu'i' les faichent! |
|
Des patholes pouor l'av'nîn s'sont gravées dans l'rotchi des vièrs ditons d'ichîn par les mathées cachis un géopar par not' pâlîn parféné en grannit |
Des poésies pouor la S'maine des Mûsées 2021 en Jèrriais
Viyiz étout: