(s'lon la couôteunme, chutte soupe soulait êt' sèrvie ès neuches, quand nou la mangeait dans des bolles en bouais en faîthant sèrvi d's êcales dé moules coumme des tchulièrs)
Faites bouoilli lé dgéthet et l'os ensembl'ye auve eune bouonne pînchie d'sé. Ajouôtez dé l'ieau s'lon la bouoillie et quand la viande est tchuite, halez-la et m'ttez-la à côté (Nou peut sèrvi la viande fraide coumme un r'pas à part).
Èrmettez l'chaud sus l'feu auve lé blié. Mitonnez lé litchide jusqu'à ch'qu'lé blié sait tchuit. Èrmuez tchiquefais à seule fîn qu'i' n'cliutte pon. Ajouôtez les lédgeunmes mînchies, lé thymbe et l'pèrsi. Mitonnez la soupe jusqu'à ch'qu'les lédgeunmes saient bein tchuites. À sèrvi auve des damplinnes.
Viyiz étout: