D's héthans picliés
Eune èrchette Manx
- 2 héthans frais par pèrsonne
- du sé
- d'la vinnaigre et dé l'ieau
- eune tchul'lée à thée d'êpices à piclier
- deux'trais fielles dé louothi
Êcalez l's héthans et nétissiz-les, copant les têtes et les coues. M'ttez-les dans eune lachefraie et couvriz-les auve eune m'suthe êgale dé vinnaigre et d'ieau. Ajouôtez l's êpices, lé sé et les fielles d'louothi. Couvriz la lachefraie et m'ttez-la au fou. Faites-lé bouoilli, dêtouônnez l'feu et mitonnez dans un fou mouoyen jusqu'à ch'qu'les os saient bein tchuits. Laîssiz-lé r'fraidgi dans la vinnaigre. À sèrvi fraid.
Viyiz étout: