Une aut' p'tit' louêm' qui va s'rêmoué
Sus la grand mé d'la vie .
Un aut' p'tit poupo à sauvé ,
D'touos les vic's de chutt' vie.
Deux aut's p'tits pinots pour marchi
Dans chu pélérinage:
L'què des deux qu'mins chouaisiront-i, -
S'ra-ch' l'êtrèt ou bein l'large?
Un' volontè d'pus ichin bas;
Deux aut's cricos pour vais:
Une aut' p'tit' langu' pour dire un tas
De quai bouon ou mauvais.
Deux aut's p'tit's minottes pour faire
Sait le bein, seit le ma;
Une aut' p'tit tchoeur qui n's'attend guère
Es êpreuv's qu'il éra! . . . .
JEAN DOREY.
| 