Il aime hardi touos l's animaux,
Le cat, le tchian et les p'tits vieaux,
Souogni les vaques il aim'thait bein ...
Monter sus l'ch'va ne lî f'thait d'rein!

Du gros boeu i' n'a autcheune peux,
I' soigne les poules, rapporte les oeux,
Jusqu'au pithot qui l'siet partout,
Et les lapins l'connaissent étout!

La becque lî va, et n'arrêtte pas,
Et janmais n'manque quand veint les r'pas,
Il est tchiqu'fais un mio mauvais ...
I n'ya qu'au sé qu'nous est en paix.

Avec tout ch'na j'aime man p'tit fréthe,
J'sis seuthe qu i' pouorrait etre bein pièthe:
Les vaisîns étout l'aiment hardi,
Et disent comme mé. . . "Chu chièr pétit!"

E.L.S.