Man p'tit fréthe

Ch'est not' docteu qui l'a apporté,
L'aut' sé quand j'tais couochie au liet;
Un tout p'tit fréthe qui n'a pas d'g'veux,
Qui dort tout l'temps ou freunme les yieux.

Jé voudrais l'prendre à ma braichie,
Pour lé montrer à mes amies;
M'mée a dit, faut qu'i' reste couochi,
Si ch'est qué j'veurs lé vaie grandi.

La nosse n'veurt pas qu'j'appraiche du bèr,
Ou n'comprend pas qué j'l'aime, chu chièr;
J'y'ai apporté un tas d'mes jouettes,
Jé'n gardéthais qué ma poupette.