1. Y qu'menchit par heurter coumme un possédè pour djiex minutes sans erprendre s'enn' haleine. -
2. Hallit assez dé qu'veux dé la téte et des whiskeurs â s'enn'oncle pour en stoffer un couôssin -
3. Capuchit sus la muraille partout ouèqu'y put aveindre avec lé pokeur.
4. Bûchit un p'tit mireux en s'assièvant dessus.
5. Avalit siéz boutons et quatre verges dé laine -
6. Capsizit le contenu de la boëte à travas à sa mère avaût un "pipe."
7. Esprouvit à couler la tète du cat dans un tin-pot en blianc fé, et fut bein grimmè pour chounna.
8. Minchit la tête d'unn' poupette en câchant des "tack" dans la table.
9. Tchulbutit dé d'sus un "what-not" et cassi deux vases.
10. Dépichit deux ôzaines ov' un bâton.
11. Mins le tapis à feu.
12. S'enhermélit les gambes dans les barres d'unn' chaise, qu'y fallut la bûchi pour l'en r'deshaller -
13. Versit unn' cannèe d'jaue dans les bottes à sa mère.
Et finit par sé drotchi avaût les d'grès et se faire sangni par lé nez quand sa mère ervint - y'l'en tait temps?
J.P.
20/11/1904
Viyiz étout: