|
Man p'tit fréthe est un vrai balloque, Et d'man pépée souvent i' s'moque; Il a peux d'ieau et d'savon, Et du brit il en fait don! Touos ses habits sont en chichettes, Et ses souliais coumme des chavettes; I' marche dans l'ieau et dans l'pité Erveint d'l'êcole trempé à la pé. Il a tréjous l'nez abattu Et par les tchians se trouve mordu, I' saute dans l'cané souôtre les canards Et à l'êcole arrive en r'tard. I' r'veint auve les dents êbrétchies, Et auv ses g'nours touos êcorchis; Mémée dit qu's'ou n'avait qu'des filles, Sa vie es'sait bein pus trantchille. |
Viyiz étout: