Les Pages Jèrriaises

Lé preunmié jour d'l'êcole

Des mousses auve lus rouoges sweatshirts et lus pouques à dos
sont assembliés dans l'bel pouor attendre lus pathents.
Ch'est l'preunmié jour d'l'êcole. Nèrveurs? I' l'taient un mio,
c'menchant eune nouvelle vie, quand tout sembl'ye difféthent.

Les mousses sont à pâler auve lus nouvieaux anmîns -
les g'veux copés, des neuves blianches c'mînses et des souôris.
I' vente douochement: eune nouvelle saîson n'est pus liain.
Y'étha d'la plyie. L'av'nîn? N'y'a fis d'âme tchi l'prédit.

Geraint Jennings
5/9/2000 (èrveue 1/9/2017)

 

Viyiz étout:

 

Les Pages Jèrriaises