Moussieu, - Dans l's'envithons d'Noué, Nancy m'dit eunne séthée en nos cuochant: “J'avons tchiques belles poummes d'espeigne, nou' pouorrait en vendre tchiques douzaines au marchi.”
“Ch'est eunee buonne idaie q'tu as, ma fille.” qué j'fis. “Laïesse itha les vendre en ville le Sam'di d'Noué; la Rue d'Driéthe s'sa plyienne dé filles à mathier, l'garçon pouora r'gardé autouore de l'i en s'proumnant sans faithe mine dé rin, et nos accaté eunne glienne ou deux d'poings-clios au marchi à paisson.”
Quand vint l'Sam'di d'Noué, j'mîns les poummes dans deux p'tits ponniers pour qué j'fusse pus c'mode à porté et j'dis à Laïesse: “Dans chu ponnyi ichin i'y'a trente poummes; tu les vendras un sou pièche, ch'est trente sous pour chutte pannée-là. Dans ch't'autre ponnyi ichin i'y'a éttou trente poummes, tu les vendras très pour deux sous, ch'est vingt sous pour chutte pannée-là. Jé s's'a deux chelins et un penny pour tout.”
Laïesse s'en va brav'man en ville ov un ponnyi suos chaque bras, et arrivé en ville y s'dit: “A la plièche dé vendre mes poummes deux pour deux sous, j'm'en vais les mélé ensemblye et les vendre chinq pour quat' sous; jé s'sa l'même compte et j'éthait pus vite fini pour allé m'prounmai.”
V'là tch'est tout bîn, mais quand Laïesse r'vint siez nous, ch'fut eunne autre histouèthe!
“As-tu vendu tés poummes, Laïesse?” “Oui, pépée, y m'dounne deux chelîns.” “Oquo deux sous,” qué j'fis. “Ch'est tout,” s'fait-i. “Nouffet!” “Siffet! mais si!!” “Mais non!!” A la fin jé r'caltchulle man compte:
| £ | s. | d. | |
| 30 poummes à un sou pièche | 0 | 1 | 3 |
| 30 poummes à 3 pour 2 sous | 0 | 0 | 10 |
| £0 | 2 | 1 |
|
30 poummes à 2 pour 2 sous......... 30 poummes à 3 pour 2 sous......... |
Viyiz étout: