|
Moussieu, - Vos piètha-t'y me faithe un piaiesyi, Comme j'ne conais pon la d'meuth du Chantngyi, Et oquo pas bieauxcoup dans St.-Ou; J'ne peux donc pas me figuthait yieu, Car les euns dise que chez t'au pisot, Et d'eatres au dout de Pithot. Et pyis j'enne s'yis qu'un imbécille, Qui d'meuthe tout près d'l'azille. Mais moussieu, si par vote gâzette où me permettée, Je pouorai encouothagi un peupée et eune meumée. “Ah! Monsieu Bilo, chez malheutheux d'avai d'z'éfants, Qui coum Laïesse se trebuque à toues camps. Une fais la pouerre garçon, chez avec une chivièthe, Qui's cueuite avec une hardel dans laiethe Parmi les rueuques et les moèques à mi, Cheutai assée pour le trébuqui. Mais la Providence comme les autes fais, Dans les embaras étai tout près. Touos les voeux pour Laïesse ontait touesnée Com s'yil t'ai (dit l'proverbe) une bête ecônée. Mais chès de qu'ai triste que de vaies d'z'êfants Ne prendre pas les conseilles de lus pathans. Car je vai bein que s'y l'avait écoutait, In l'eraith pon mins dans l'houblie qu'il a fait. Car y faut pensé que touas 'tait dans des frais, En picnic, en van, et pyis les neuves braies. Et touos les sou despensée pour du pyaisyi, Qui touenes bein mal, men brave Chantgnyi. Et à chû “at home” hélas! qu'yi messe, Ah! pas d'autre de picnic pour not Laïesse. Souvent quand nou pense de bein faithe, Chez la que la chose touenne pour le pièthe. Mais jusqu'àcheteu j'l'avais voeu hoûnête, Et ne v'là qu'il a voulu faithe à sa tête. Et pyis y cluiute san paithe dans l'embaras Pour ertrouvai le montant qu'yi n'avai pas. Ah! j'té piens bein men brave Chantgnyi, In chein h'étout que ta pouerre Nancy. Car il en couête hardi d'être meumée, Ou z'êtes bein qu'n'yans n'ai pon une couaie. Erprend tes sans men Chantgnyi, Car tes anmins vont taiegnyi A r'trouvé le montant adithet, Si Laïesse pour san Noé n'la pon dépanset. Et par pithyi bieaux-coup taigue à cherchy bein Pour t'en deux sou, sans qu'yi t'en couote rein. Je reste, Un Sympathysant de Faldouet |
Viyiz étout: