|
J'vai que Laiësse qu'manche à s'en-nieth, D'évais san paith lé d'êchithait, Et p'têtre que l'tort ne vein pon tou d'un bord, C'hest à nous dé d'viné le qu'el qu'a tort. Le paith a voulu biaummé l'fis souvent, Et l'garçon à p'têtre sujet d'nêtre pon content, En viyiant la conditte dé san paith, Qui, envers sa meumée ête arbitraih. Considéthaie coumme y voulai écrasé Nancy, En voulant, dé poumme, la sur-chergyi. N'ou pouvait la trouvé morte soues l'pommi, Sans avai de supçon sus le chantgnyi. Si Laiësse n'eu pon tait l'a s'ch'té d'mauvais travas, Et les St.-Ouenais p'être dans l'embathas, Car une lévais dé corps pouvait avai yieu, Sans résultat si Bram eu tait tou seu. Viyon le résultat d'la cherge de Nancy, Ou z'allez conv'nin que ch'taii trop pour yui, Par obyigence et une espêce de peux, I's'meth Laiësse et sa maithe tous deux, A conté les doeux pannaies d'poummes, Pour satisfaith ch'tingrat d'bouenhoumme. Laiesse sans mine dé rin et pas trop baite; En fait un problême, du haut mont d'sa tête. Pour montré est gens, l'action d'sen paith, Qui peut être panse t'y, peuera le faith s'thaithe. Weèl don Laiësse si tu peuex en r'pathai, Tu'es certain d'avai doeux poummes pour t'en Noé. Hervenons pour calchulé les poummes, Tans d'y qu'j'avons l'temps et qu'j'y soummes. Nancy en avait 185 dan s'an pengnyi, Et 259 se trouve dan l'sien au chantgnyi. Bram pensait en mettre a sa fomme oquoi 37, Quand Laiësse crie "halte la" n'sépon pettre, Ch'est a tai d'en prendre pustôt 37 des siennes, Et v'la qu'yi r'doublièraith l'montant dès thiennes, Cat tu'est bein pus fort qué yui, Et tu ne s'as pas trop chergi. Car en aditionnant le tout sans s'débatre, V'la qui fait q'un total de 444. P.M.L. "Green Dale," Faldouet. |
Viyiz étout: