Moussieu. - Héthais tous un p'tit coin dans la colonne de vo'te correspondance, car je me sis desranji à faithe le caltchul que Laiësse Bilot a min dans voute gazette de Sam'di. Il est vrai j'né pon grand chose a faithe et si Laiësse veur se douné la peine, il verra que le montant que j'ai trouvai peut faithe à san caltchul. eh bein, moussieu, pour les poummes jé trouvai q'Nancy en avait 185 dans san pagni, et Bram en avait 259. Bram voulai en mettre 37 dans l'pagni à Nancy pour qu'oul en héthait yeu autant coumme li; 222 dans chaque pangni. Mais coumme le Bouenhoumme eut à obéi à Laiësse y fut obyigi d'en prandre 37 du pagni à Nancy, qui lis faithai justeman 296 et Nancy restée avec 148 dans san pagni oprès l'échange; chès pourtchi Bram en avait une fais pus qu'Nancy. Je cré que le Bouenhoumme t'c'manche a être soupye des reins, car y fut obyigi d'avai r'court à l'imbrocathum et p't're au nier gin, oprès avai portai 296 poummes. Laiësse dit qu'il n'éthait pon envandant des poummes lé Sam'di d'Noé, qu'il tai pus en peine des jannes. J'espèthe qu'il a min s'n'y sus t'chiqu'une, car je sai bin qu'il n'est pas r'gardant pour le choie, quan même ou'l éthait les j'veux ruoges ou qu'ou sai tavlée, j'né s'sai pon une empèshman pour bin qu'oul éthait t'chique quartiers de rente ou des shares dans l'z'hitres a mess Lé Biancq. Coumme vos lecteurs le save, laiësse n'est par èrfritté, p'tre qu'is rappel qu'à l'àge de vin-trais ans, qu'il allait tout seu au sé cherchi d'l'ielle de muothue siez mess Prouins. Il a tait ettou une fais ov sa memmée marchandé une pinte de vlicots dans l'marchi a paisson coumme une grande persounne. En r'merciant Moussieu l'editeu,
Yours truly,
L'ammin John des T'c'hennevais
Viyiz étout: