Chier Messieu, - A la fin j'ai peu trouvé yiun d'vos problèmes. J'ai la tête si duthe, j'nai pas peu en r'pathé d'vant. Ch'est pas manque d'yavé eprouvët pourtant, parcequé j'en ai éprouvé deux autres. Le prumi t'ait l'colimachon, et je r'pathi d'le trouvé mal, mais j'tais pas l'seul. le deuxième chtait les p'zaies, j'eu une vilaine d'jabbe (dans l'cios j'couvri ma chuvièthe et ma pouque à gouaïno d'chiffres). Mais enfin j'en r'pathi sitôt qué j'su que la quié t'ait l'numétho 3. Deux jours oprès qu'la réponse t'ait publiée. Quand à c'h'inchin j'voulu pon l'ièthe au sé, d'peux qu'im ronnisse toute la niet dans l'aiothelle gauche (j'ouai haut d'l'autre).
Le Lundi au matin dans l'soyi j'le trouvi bin et j'm'en fut l'montré à nos gens t'chi lus mint à s'fichi d'mé et lé p'tit John me dis 12 pence 1 shilling, 13 pence 1 & 1, 14 pence 1 & 2, 15 pence 1 & 3, 16 pence 1s. 4. J'avais conté à 1s. 4. a la pièche de 1s. 8d. J'en eu si grand honte que je n'dormi pas d'journée et en bévant man tée jé l'trouvi.
Viyiz étout: