|
Pour en finir avec le No. six, Il ne se paie pas avec 1 louis, Et même il faut y mettre 1 chelin Et yia jouêté haïtout 11 pennys, Et pour douné juste le montant, I faut oquoûer 3 liards au marchand. Mousieu l'Editeu, vos piaithai t'y mé permette, Par le moyen de votte aimable gazette, D'ermercié ben toutes chès bouenne gens Qui ont prins la peine en calchulant, De nos faithe connaître le juste montant, Qu'la DAME PAIYI pour les PRUNES au marchand, Et en même temps lus conté pour une fais Qu'je fut câsi malhonnête; Hélas! qui près. Pour vos dithe un jour sus s'meîne en m'proumnant, J'vis une porte d'gardin ouerte, et j'entre en d'dans, E là j'vit d'belles prunes bein rangis; Ah! que j'vos asseuze qu'im fîtes envie. Et en marchant j'mapraiche tout près, Qu'yeau dans ma bouoche; toueny hièrdouais. Et par envie, sans pensai, j'ai levé l'bras, Quand né v'là une voie qui m'dit d'n'y teuchy pas. En palpitant, j'dis, mon dous, qu'est-ce qui m'a voeu, Car pour vos dithe, j'pensais bein être tout soeu. Tout honteux, éperdu, j'menvais à la rue, Et là, j'vos dithai, j'me trouvi bieaucoup mus. Et d'suite j'comprins que la conscianche Pâle sus la smeinne comme au Dimanche. Et j'pensyi qui fallait bein mus s'en passé; Qu'd'entré dans un gardin pour s'mettre à volé. CONSEIL. Prennée m'n'avis, mes enmins, et ne faites pon coum mé, Dans la saieson des prunes, en allant vos proumné, Car l'envie mes bouen gens est bein un vice, Qui peut, sans réflection, condithe au suplice. Faites pustôt coum la dame en passant, Acatez-en j'vos prie d'un marchand, Et en les mangeant y vosdront mûs, Car où en savoeurthée bein pus le jus. N.B. - Pus tard, si pausible, j'voudrais bein Qu'j'aithaime oqu'ouer un entretchin Sus un Probième qu'j'donnré, Qui n'aitha ni pieumme, ni pé, Ni des mains pour se défendre, Ni des pies pour se seauvé, Et n'ou'n pouotha pon le prendre Sans reflection, ni sans pensé. Mais en attendant j'vos d'mendrai Vos pyièthai t'y nos "substracté" Quarante-cinq hors de quarante-cinq, Pour qui reste (45) quarante-cinq, Et ous obieg'rée le corespondant de Green Dale. Faldouet. P.M.L. 6/3/1897 |
Viyiz étout: