Si une poule et d'mi pond un oeu et d'mi dans un jour et d'mi;
Trais poules dans l'même temps
Ponnent deux fais autant.
Ch'est pour tchi trais oeux,
Ithont dans l'drêcheux,
Chaque jour et d'mi!

Si trais poules ponnent trais oeux dans un jour et d'mi;
Dans l'doubl'ye du temps
I pondront, bouannes gens,
Entre trais - ch'est bain seux -
Dans lus trais jours siez oeux
Eche pon?

Vos trais poules ponnent siez oeux dans trais jours;
Mais acatez en six
Ou z'éthez, m'est avis,
Pour faithe des fricos,
Une douzaine de cocos,
Dans trais jours!

Ou voulaîtes saver pour une douzaine par jour
Combein d'poules acater?
Mais n'pouvous pas compter?
Trais fais pus d'glinnes
Pondront j'imagine
Douze oeux
Par jour!

D'même d'ghêz-huit poulettes,
Dans un jour, ch'est seux,
Vos pondront douze oeux
Pour faithe des omelettes!

Elie