Deux professeurs dé caltchul lus rencontrîtent dans la rue. Lé preunmyi dit à san parchonnyi: “Jé n'vos ai pon veu d'pis eune bordée, valet! Combein qu'ous avez d'êfants achteu?”
L'aut' rêpond: “J'ai trais mousses, mé.”
“Et tchil âge qu'il' ont?”
“Ou pouvez caltchuler lus âges, man vyi. Multipliez-les et ous éthez trente-six.”
“Ah, mais chenna né m'aîgue pon trop.”
“Ajouôtez l's âges et né v'là l'même neunmétho qu'vot' maîson!”
Lé preunmyi gratte sa tête, il y r'pense, i' hale un but d'craie dé d'dans sa pouchette, s'met à quat' pattes et c'menche à faithe des caltchuls sus l'trottouaithe.... mais enfîn i' s'lève et d'mande acouo:
“Nânnîn, jé n'peux pon acouo caltchuler les âges. Aîdgiz-mé acouo un mio, s'i' vos pliaît.”
“Eh bein, l'pus vyi d'mes êfants joue l'piano.”
“Aha!” excliâmit l'preunmié professeu. “J'l'ai caltchulé achteu!”
Pouv'-ous caltchuler les âges?
La rêponse:
A x B x C = 36
Lé professeur caltchulit les rêponses pôssibl'yes à la multiplicâtion:
|
1 x 1 x 36 1 x 2 x 18 2 x 2 x 9 1 x 4 x 9 3 x 3 x 4 1 x 3 x 12 1 x 6 x 6 2 x 3 x 3
|
Et pis il ajouôtit pouor trouver l'neunmétho d'sa maîson:
|
1 + 1 + 36 = 38 1 + 2 + 18 = 21 2 + 2 + 9 = 13 1 + 4 + 9 = 14 3 + 3 + 4 = 10 1 + 3 + 12 = 16 1 + 6 + 6 = 13 2 + 3 + 3 = 8
|
Lé professeur acouo n'savait pon la rêponse car sa maîson 'tait l'neunmétho treize. La traîsième rêponse qu'lé pus vyi joue l'piano (pas les pus vièrs) explyique tout. I' pouvait dithe qué l's êfants avaient deux ans - les jeunmieaux - et neuf ans.
Viyiz étout: