|
M'n amour pouor té est un p'tit êléphant tchi fut né à Bèrlîn ou à Paris et tchi, en chabots d'laine, va pilvâtchant par siez la grôsse tête dé sa mênag'gie. Né l'souongne pon atout des p'tits pains Français; né l'souongne janmais nitout d'copieaux d'caboche - ch'est eune quartelle d'orange, chein tchi lî pliaît: un lopîn d'chucre ou tchique aut' chose tch'est douoche. Né plieuthe pon, ma chiéthe, qu'il est encagi et qu'lé monde l'abafouent épis l'poujôlent, qu'sa trompe auve des cigares veint feunmâtchie, qué v'là tchi fait rithe à hahas les douôles. N'crai pon, ma douoche, qu'un jour i' s'dêfiqu'tha, happ'tha la pathe d'un affit d'folletéthie, et qu'partoute la ville f'tha un pataflias et coumme eune beusse êmagliétha l'publyi. Nan-dgia! Raîque rêve à li à sinne dé jeu en plieunmasses d'autruche, plis d'souaie et médales, coumme y'a des milles ans chu grand Mèrveilleux tch'apportit, à m'nichi Rome, Hannibal. Nikolaï Goumilev Vèrsion Jèrriaise dé Geraint Jennings |
Viyiz étout: