|
Lé prêtre prêchit, et l'monde d'accord auve li là-d'ssus trilyîtent ma méthe. Lé lion du d'sèrt, chu dgieu bein fort, au paradis des mielles m'espéthe. J'dai-t-i' mé muchi? J'n'ai pon peux d'l'enn'mîn tchi veindra mé m'nichi. J'ai mîns ma cheintuthe dé rouogeu auve des pèrles et d'l'ambre enrichie. Ichîn au d'sèrt chu brai m'êcappe: "Bête du Solé, né v'chîn man corps: vé-t-en pouor cachementer ta happe humaine, oh man prînce tchi m'fait tort!" "Qué tu m'chaûmêque dû entre tes grîns; qué j'tchaie sans pouver m'èrléver; qué j'ouaie fliotter ch't âffreux rodgîn nièr et bragi coumme êt' aimée!" L'hèrbe coumme la p'tunn'nie sent à feu, et j'sis coumme la bru toute èrmorme; d'au d'ssus d'mé d'vale l'èrgard sanglieux du bruman doré et ênorme. Nikolaï Goumilev Vèrsion Jèrriaise dé Geraint Jennings |
Viyiz étout: