|
Lé dormi n'a pon apaîsi mes nèrs et jé m'sis rêvilyie bein tôt étout et j'ai 'té horte, à prendre eune halenée d'air, èrgarder man p'tit anmîn l'kangarou. Il engaûme des bouochies d'fielles à rôsinne en les miâtchant bêtement raîque pouor du fanne et saute sus mé d'eune manniéthe niaûminne et brait atout sa drôle dé vouaix midouanne. I' m'ligouaîse, chu paûgat, d'même dé travèrs; tout coumme j'aime bein étout lé ligouaîsi à seule fîn qu'd'un ambrôn ses p'tits bruns ièrs saient d's èrfliets d'grande rêjouissance êcliaithis. Épis accabâssée, quâsi à but, j'décide dé m'assiéthe ichîn sus un banc, mais tch'est qu'i' veurt, li, l'horsain, ch't' êmânue tchi m'manque, lé chein qué j'aime, man seul galant? Mes pensées lus parfènent en dêsarun sembliant d's ombres dé fielles matinnaux tout l'tou; j'veurs m'ent'-ligouaîsi acanté tchitchun coumme j'ai 'té ligouaîsie d'man kangarou. Nikolaï Goumilev Vèrsion Jèrriaise dé Geraint Jennings |
Viyiz étout: