Y'avait eune fais un Irlandais tchi d'meuthait dans eune maîsion auve un bieau gardîn dans tchi qu'i' tchultivait tchiques lédgeunmes. I' 'tait bein ordgilleux d'san p'tit gardîn et aimait r'garder par la f'nêt' châque matîn en sé l'vant pouor vaie l'temps tchi faîsait et l'progrès qu'ses lédgeunmes avaient fait duthant la niet. Il avait des caboches, du pouothé, des cârottes, des tonmates, et un tas d'tchi.
Un jour i' fut êmèrvilyi d'vaie eune tchuthieûthe bête dans san gardîn. Ch'tait un êléphant. Un cirque avait visité l's alentours et duthant la niet l'êléphant avait happé la pathe dé sa cage et s'en 'tait par lé vaîthinné à seule fîn d'trouver d'tchi à mangi, et v'là tchi trouvit l'gardîn à l'Irlandais auve ses lédgeunmes au goût d'èrva-s-y.
L'Irlandais, pouor tchique raison, n'avait janmais veu un êléphant d'vant et n'savait pon tchi sorté d'bête qu'i' 'tait. I' phônit don dêliêment à la police.
"Bouônjour," qu'i' dit. "J'ai à rapporter d'tchi extraordinnaithe. Y'a un annima dans man gardîn. Il est hardi grand et gris auve eune coue à châque but. Atout ieune d'ses coues il est à êrachi mes caboches et ou n'mé craithez pon par iou qu'il est à les stoffer!"
Viyiz étout: