|
La leune, dé driéthe les falaises, est r'sourdue; la mé, eune êtrueûlée d'or transpathent; d's anmîns dans un baté à bé aidgu baivent à la lige des vèrrées d'vîn caûffant. Viyant la rîl'ye dé cliai d'leune sus la mé et l's èrfliets d'fliaue ligiéthe tch'y vailent et d'valent, tchiqu's'uns des pense-mitaines proposent qué ch'est eune siette dé contchubinnes împéthiales. D'aut's craient qué v'là tchi sont des vièrs dé fouai tchi lus arroutent ès bouaîs'sies d'paradis. Épis y'en a tch'ardgutent d'auve ieux: nou-fait, ch'est des cŷngnes tchi lus avolent en lîngnie. (D'aut's craient qué v'là tchi sont des vièrs dé fouai tch'amontent pieusement au ciel des gardîns d'vîngnes. Épis y'en a tch'ardgutent d'auve ieux: nou-fait, n'en v'là-t-i' pon tchi lus avolent, des cŷngnes. ) |
Nikolaï Goumilev
Vèrsion Jèrriaise dé Geraint Jennings
Viyiz étout: