|
B'samment dans l'ciel crépoussent, lus afflioquent des néthes têtes. Entre ieux, la leune rouogit - la bliesseûthe d'un mouothant. Lé dgèrryi d'la vèrte île, Cù-Chulainn, eut sa tchête souos l'co d'sâbre à Swaran, lé rouai dé l'ochéan. Les louêmes èrmurmuthîtent les d'vis d'la grise sybil'ye; les bouais craûlîtent sus l's airs dé ch't' aleunmelle fatale; et Swaran l'achîtrit - qu'la tormente entouortil'ye: lé pus grand des héros, l'seigneu du d'sèrt, Fîngal. Lus entr'-embraichant atout l's êcliats d'lus fas d'armes, i' c'menchent eune toute sauvage ronde en un tou d'fôlyie, et l'vent atchil'ye la batâle atout des ris d'lèrmes et la mé rigdonne en r'contant ses vieillâqu'thies. Quand j'sis lâssé d'embraiches, bécots, et ligouaîs'sies, quand j'sis lâssé du niolîn des mots et pensées, j'ouai l'trémeu dans l'air d'juthons mârris et maûdits, j'vai là-haut sus l'mont des héros piêssants et f'lés. Nikolaï Goumilev
|
Viyiz étout: