Car comme j'arrivi sus la Vielle Ceauchie,
Y tet justement siex heuthes et d'mie,
Je rencontri les siens de Saint-Pierre qui v'nais d'arrivé,
Y t'ais v'nus par le train déjà de si bouan matein,

Avec les "nice Pipers" qui marchaient en tête
Vraiment y s'embiait que la ville tait en fête,
Ou yiétait en êffet mais chest triste, à m'nideaie,
De vais l'Isle si tellement abandonneaie.

Enfein y foaut espethé que chest tout pour le mus
Et que nôtre milice f'tha eun p'tit mio pus,
Pour protégi notre chier pétit Jerri
Qui est si tellement enfoncet dans l'ordgi,

Car y'm semble si niavet pas tant le distinction
Les choses ythais mus et pus avec raison,
Si les jeunes hommes Jersiais voulais faithe lus devé
N'être pas rebelle mais avec honneur servi Sa Majesté.

Quand j'vins sus l'hoaut d'la Cauchie j'eim m'ein en d'vant
Ouè-que je pouvais vais les siens du Fort venant tambour battant,
Mais pathaîssais t'i bein avec lus blanche tunique
Et pis y joueais eun air si d'gai Oh!! que t'chet magnifique.

Je tais justement vis-à-vis le magnifique grand baté,
Le Frederica qui tait là exprès pour les emporté,
Y montais par compagnie, t'chi l'ordre qui fallet,
Et pis tout l'temps lus belle musique qui jouet.

Je vos azeuthe bein qu'un peintre bein savant
Ethait fait eun portrait quéthait tet ravissant,
Mess Smith était là qui preins la Photographie
Justement comme y touennais la tête des Coauchie.

Enfein les v'la hors mais jamais j'nerverrons
Eun tet bieaux régiment, pas seulement bé mais bon,
Les euns agite lus chapé les aoutre lus mouechet
Nous lus dit! "God Speed"! mais chest avec grand r'gret.

LIVONIA.