Ouaithe qu'la soupe sait gâtée par trop dé couques,
I' faut un tas d'soudards pouor l'ver eune chouque.
Et s'i' lèvent lus dgéthets au même moment,
Né v'là la preuve qu'i' dansent en pratitchant...
Nou fait du fanne, mais i' n'faut pon motchi:
Ches soudards Belges sont dueurs coumme un rotchi!
Pouor renforchi lus êpaûles et lus tchiêsses
Les soudards Belges vont à la bangnérêsse.
Mais ches èrcrues rêalisîtent bétôt
Qué, dans chutte bangnérêsse, i' n'y pon dg'ieau!
Lé v'là sus un g'nou et eune main dans l'aithe.
En Belgique, ch'est la pratique militaithe.
Êt' sus eune main et un g'nou balanchi,
Ch'est împortant pouor la soudardéthie
Car l'enn'mîn bruta n'attaquent pon les cheins
Tchi lus balanchent sus un g'nou et eune main.
Et dans la dgèrre, sus eune main et un g'nou,
Les soudards Belges f'thaient peux à mé étout!
Dans l'armée Belge, ch'n'est pon vuldgaithe
Dé s'exposer dé chutte manniéthe.
Ches tchus d'soudards, nou n'les vait dgéthe:
I' sont bein camoufliés par driéthe!
|
