8h. 30. - A commenchi. - Pionier X est prisonn'yi et pazaît d'vant l'Offici... “Ou zêtes accusé d'être 15 heures en r'tard de vot' congé. Ou z'avez été ertergi à Guernézi par le baté, et après ou zêtes arrivé ichin aussitôt qu'possible?” Le prisonn'yi êcoute solennellement et n'dit mot. - L'Offici ajoute - “la cause est dismissée.” Left turn, left wheel, etc.
9h. 30. - Parade. Le “draft” pour êtchippement. “Quick march.” Arrêtez à la “store” 17. Nos v'la êtchippés numézo 1. - Passons d'vant l'Coronel. - “Magnifique, superbe,” etc., etc., et i' nos wish “Good-bye” “Righto!” - Ah! y'ou qu'est les “box respirators?” Cache à la “store” 18; êprouve chutte fais - tout compièt. Nos v'la finis, garçons, tous prêts à partir.
11h. - Hi! Le “draft” acquo une fais. Y faut ertouôné tout chein qué j'avons et en avait un diffézent êtchippement - et pas de “respirators” du tout chutte fais. Nos v'la hors à ramassé tout chein qué j'avions et à r'avair du nouvé.
11h. 30. - Un nouvel êtchippement! “Right, fini chutte fais” dit le Quarchi-Maître, et nous bein contents.
12h. 30. - Dîner, acheteu.
1h. 45. - Hi! Le “draft” acquo une fais! De nouvelles ordres acquo. “Ertuonez votre êtchippement et remportez le premyi qué nous vos avait donné!!” “Up again,” ch'est traine et ratraine toute la journée......
Y'un dé mes amins m'dit “Ont-i' jamais envié un “draft” en France d'vant qu'a'nié?” - J'avons ri, ri, ri, et jé rions acquo, et j'étions v'nus à la conclusion qué le “draft” ne sortizait pas du tout. Mais si fait, j'nos n'allons d'main à 7h. 30 du matin.
Chein qu'j'té dis ci-dessus est la pienne, pure et entièze vézité. C'hest ma fai' vrai, nous n'lé crézé pon tout d'même.
1917
Viyiz étout: