The following letter has been received from Lce.-Corpl. J.L. Anley, R.A.M.C., a Jerseyman who has been at the Front for a long period. We fancy the Censor would have been somewhat puzzled had he tried to read it: -
|
S.S.M. Hospital, Dec. 3rd, 1916. Messieurs le Commité du Jersey Conforts Parcels. Chier Messieurs, - J'vos r'mercie bain des fais dé votre bontait de mavé envié cru biaux pachet dle part des Jersiais. Chouna montre bain qué nou n'ma pas oubliet en Jerr et qué le monde savent bain que je f'thai tréjous de man mus pour Jerri et l'Angiétèrre. Chez us bain biau parcel quon m'avez envié, Messieurs, remplie de toutes les benites choses. Y'avait d'la pâte de langue de beu en boiete, des sardines à l'huile, des cassées d'Oxo pour faithe du buon buollion, du caffé au lait en boiête, du ptun de iez Mess Simonet, des “Green Shutters,” jusque du papi a éscrithe (chun-crin en est eunne fielle), eunne belle pipe que j'sis seus a quoté un buon prix, et, si vos piez, deux chandelles, et, pour bain dithe, de toutes les benittes choses. “Que l'buon D'jieu vos benisse.” Eh, bain! Messieurs, pour paslé d'la djairre, je sis pour tchique jours a travayi dans un hôpita (oprès d'la ligne), coumme puothait faithe Mess Godfray a l'hôpita de Glos'ster-street. Mais jai té étou pour bain des mais dans les tranchies et dans “no man's land,” coumme nou l'appelle, étou, et j'vos asseuthe que les boustres de Boches savent bain a tchi qu'il ont affaithe quant y vaient un Jersiais appréchit; lus gnors lue en tremblaient coume du blanc-mange. Nos gens n'ont pas besoin d'craindre - tout va bain, grâce es Jerriais. J'vos écrit en Jerriais, Messieurs, car ch'est ma vielle langue qué j'nai pas oublié oquo, quoique j'pasle l'Angiais coumme un Canajiain. Mais pour le Français qui paslent par ichin, j'nen comprends pas eune benite pathole, avec lus “Napooh!” et “No compree!” Je n'y vé que bieu. Eh, bain! Messieurs, y faut j'finisse car la canteen (dry) est ouverte, chest pourtchi, en vos souhaitant et a touos les Jersiais eun buon Noué, j'ai l'honneu' dette tréjous à vos cervices, en vos r'merciant oquo des milles fais.
|
Evening Post 21/12/1916
Viyiz étout: