(Danmes:)
Nos jeunes hoummes sont des soudards
Dans l'service de la Reine.
Et quand i' sont hors Jerri,
J'trouvons que les jours trainent.
Mais quand i' r'veinnent en vacances
Coumme i' sont touos a-ch'teu
J'soummes tréjous sus la cauchie
Pour les vaie arriver.

Au clié de la leune j'allons tréjous
Nos promner les six bras-d'sus bras d'sous.
Et dans la belle vallèe parmi les bouais,
J'les embrachons, et j'promettons,
Qu'j'lus s'sons fidèles jusqu'à la prechaine fais.

(Mêssieurs:)
Quand je soummes envièes dans l's Indes
Ou tchique autre plièche au liain,
J'avons tréjous un bouan temps,
Et j'nos rêjouissons bein.
Mais nos pensées bein souvent
Quand je soummes prins d'ennyi,
Touannent es filles qui nos attendent
Dans notre bieau p'tit Jerri.

(Touos ensembl'ye:)
Le temps que j'soummes réunis,
J'allons en profiter
Et n'etre pas a part eune s'gonde
Du matin jusqu'au sé
Et si ch'est qu'j'faisons l'amour
Quand ous êtes par les q'mins,
Ch'est qu'j'soummes en train d'ergagni
L'temps qu'j'avons tait s'pathèes.

Mais dans eune dgix huit mais
L'Service d'armèe fini.
Je s'sons ensemblyes a janmais
Ensemblyes dans not' Jerri.
Et nos promesse d'être fideles,
Janmais je n'oublithons.
Et j'les r'f'thons de raide bouan tchoeu
Le jour que j'nos mathi'ons.

ALP