Les Pages Jèrriaises

Chanson du Matelot

Adieu! Gêrri! ma bell' patrie,
Le vent est bouon, la mé est belle;
Le v'la dêjà qu'enffle la velle;
I' m'faut parti gagni ma vie.

Sous l'ciel brulant de l'Italie,
Et sus la mé du Canada;
Allant par chin, r'venant par là,
I m'faut parti gagni ma vie.

Je laisse ichin ma bell' Marie,
Je laiss' men pez', ma mez', ma soeu;
Je les laiss' tous en garde à Dieu;
I m' faut parti gagni ma vie.

Ne craigniz pas que j'vos oublie;
Mais vous, quiq' fais, pensèz à mé,
Au garçon qui vos a quittè,
Et qu'est parti gagni sa vie.

 

E. L. F.

 

vèrsion modèrnîsée

clyiquez pouor ouï les mots Chanson du Matelot


À Dgieu Jèrri ma belle patrie
Lé vent est bouon la mé est belle
Lé v'là dêjà qu'enfl'ye la vaile
I' m'faut parti gângni ma vie.
 
Souos l'ciel brûlant dé l'Italie
Et sus la mé du Cannada
Allant par chîn allant par là
I' m'faut parti gângni ma vie
 
Jé laîsse ichîn ma belle Mathie
Jé laîsse man péthe ma méthe ma soeu
Jé les laîsse touos en garde à Dgieu
I' m'faut parti gângni ma vie.
 
Né craigniz pas qué j'vos oublie
Mais vous tchiquefais pensez à mé
Au garçon tchi vos a tchitté
Et tch'est parti gângni ma vie.
 

Viyiz étout:

 

Les Pages Jèrriaises