|
I' m' faut èrvenîn à la mé aniet, tout seu sus la mé, don' adgi, Car chein qué j'veurs est la grande vaile et la leune pour navidgi, Et la tou d'la barre et l'chant d'la mé et les blianches vailes vannants, Et eune grise bliâse sus la fache d'la mé et un gris jour c'menchant. I' m' faut èrvenîn à la mé aniet, car l'appel d'la haute mathée Est un cri sauvage et un cri bein fort nou n'peut pon îngnorée ; Et chein qué j'veurs est un vent franc et les bliancs nouages volant, Et les grands louèmes et l'lânfrais et les blianches mauves criant. I' m' faut èrvenîn à la mé aniet, dans l'Pacifique du sud, Quand l'ciel est si nièr et l's êtailes si grands et l'air est comme du v'lous Et la brise d'la tèrre apporte l'odeu des flieurs et des paîssons volants Et la caleu du jour et l'lap'pais des vagues sus l'bieau blianc sablion. I' m' faut èrvenîn à la mé aniet, à la vie d'un tchian d'la mé, Sus lé c'mîn d'la mauve et du cartchulot ou l'vent cope jusqu'au pé Et chein qué j'veurs est un bouon conte d'un matelot sans-souci Et un bouon dormi et a rêvachi quand l'quart s'est fini I' m' faut èrvenîn à la mé aniet, tout seu sus la mé, don' adgi.
Vèrsion Jèrriaise dé "Sea Fever" d'John Masefield
|
Viyiz étout: