Les Pages Jèrriaises

Mé V'lo R'vénu!

Chansonnette d'un mousse

Lé v'lo fini man prumié viage
Coumme mat'lot, sus la mé,
Et j'm'appercheu' qu'les vièrs visages
Quand j'veins à les r'garder -
Sont touos les mêmes et m'font bell' mine
À m'z'uthe qu' j'apprèche dé not' caumine,
Mé v'lo r'vénu!

La v'lo finie, chutte traversée
Qu' à duthé si longtemps,
Et nos r'véchin bein arrivés,
J'e r'viyons touos nos gens,
Nou s'entre embrache - nou' châque de main,
Mon doux, v'la tchi' fait-i' du bein.
Mé v'lo r'vénu!

Vaithe d'ja, ch'est mé, j'nai d'jèthe changi,
- Aloigni, p't'être un mio -
Ma fâche êtou qu'menche à bruni -
Et j'ai l'pas d'un mat'lot -
Mais ch'est bein mé, malgré tout ch'la;
Mé r'counnaissous ? R'gardèz! mé v'là!!!
Mé v'lo r'vénu!

 

Élie

 

Viyiz étout:

 

Les Pages Jèrriaises