Les Pages Jèrriaises

Tréjous Nord


Nos v'là en route pour Jèrri,
Auprès bein des s'maines en mé,
Et lé Vent qui rempl'ye nos vailes,
Nos met tous dé bouonne heunmeu'.

Èrfrain:

Tréjous nord faut qu'j'allons
Garder tréjous nord,
Tréjous nord faut qu'j'allons
Pour arriver au port

J'avons 'té dans des pays
Où'est qu' lé solé tout l'temps r'lit,
Et j'sommes chèrgis presque à couler,
Auv 'toute sortes d'marchandise,

Èrfrain:

Tréjous nord faut qu'j'allons
Garder tréjous nord,
Tréjous nord faut qu'j'allons
Pour arriver au port

J'avons des oranges d'Espagne,
Dé la belle souaie du Japon,
Et des êpices qui veinnent d'Afrique,
D'même pour siez nous j'navidgeons.

Èrfrain:

Tréjous nord faut qu'j'allons
Garder tréjous nord,
Tréjous nord faut qu'j'allons
Pour arriver au port

À mié-c'mîn l'tou du monde
J'avons navidgi ensembl'ye,
Et ch'est là la vie pour touos nous,
Souos les vailes qui dans l'vent trembl'yent.

Èrfrain:

Tréjous nord faut qu'j'allons
Garder tréjous nord,
Tréjous nord faut qu'j'allons
Pour arriver au port

Lé temps nos a bein sèrvi,
Et la côte dé France au liain:
Nos dit qu'à not' destination
J'arriv'thons tchique temps d'main.

Èrfrain:

Tréjous nord faut qu'j'allons
Garder tréjous nord,
Tréjous nord faut qu'j'allons
Pour arriver au port

A. L. P.

 

Viyiz étout:

 

Les Pages Jèrriaises