Les Pages Jèrriaises

L'Assembliée d'Jèrriais

Excursion en Brétagne

 

L'Assembliée d'Jèrriais

 

Ch'fut acouo un mémorablye jour pour les 79 membres de L'Assembliée d'Jèrriais qui fûdrent pour l'excursion par air jusqu'à Dinard lé 13 d'août.

La traversée né duthit qué tchiques minutes et un coup qu'tous futent attèrrés, i' montitent en charabancs. Lé temps 'tait bé et cliai pour vaie à l'entou, et la route c'menchi par Pleurtuis et l'Pont St. Hubert pour Combourg. ichîn les gens fûdrent servis dé bouan café et des croissants, et auprès i' vitent l'bieau lac et i' y eut un portrait d'prînt dé toute la groupe.

A Rennes


Fallit sé r'mettre en route lé travèrs de belle campagne, auve tout pliein d'bieau avou, jusqu'à Rennes. ichîn i' y eut tchique temps pour vaie les gardîns d'la Place dé la Republique ou bein d'aller boutitchi, d'vant qu'être servis d'un supèrbe r'pas. auprès un p'tit brîn les membres montîtent en charabancs pour visiter les magnifiques "Jardin de Thabor". Ches gardîns vallaient bein seux la peine dé vaie - i' sont si bein arrangis et gardés. Fallit ervénîn un mio sus ses pas pour prendre la route pour Dinan. Ichîn étout i' y eut du temps libre pour visiter la vielle ville ou béthe eune tassée d'thée.

Des r'merciements


En route acouo eune fais, car lé temps s'passait vite, et chutte fais pour Dinard, iou qu'un aut' magnifique erpas nos attendait. À la fîn du r'pas i' y eut des r'merciement au Sieur Le Liard, qu'avait arrangi la touannée si bein et qui 'tait en chèrge pour lé jour auve lé Sieur de Caux à li aidgi, et au Trésoryi et la Ségétaithe qu'avaient travailli si du pour arrangi l'jour en entchi.

1963

 

Viyiz étout:

 

 

Les Pages Jèrriaises