Tcheurs don coumme un chèr! Coumme d'la chai chabolant!
Les zombîns aboulent pouor té touônner les sangs,
chuchi tan chèrvé - t'mangi est tout lus d'si!
Ch'est d'tchi êpeûthant - eune niétchie d'zombinn'nie!

Et par les nièrs c'mîns, l'ouéthou veindra té qu'si...
ses grîns adgûss'lés happ'thont pouor t'égdachi.
R'touônner sus ses pas? Il est souotre té tréjous.
I' n'y'a d'aut' d'êcappe à ch't' êmânue, l'ouéthou!

Et tch'est qu'ch'est qu'tu m'dis? Un croque-mitaine souos l'liet?
Un monstre malaûc'theux tchi s'dêhal'la pouor t'tuer?
Va t'tâner man p'tchiot! I' n'faut pon aver peux.
Ch'est raîque la pons'rêsse tchi r'fraigue et fait frémeu!

Geraint Jennings
31/10/2014