|
Treis hommes s'en allaient est Ecréhos, Avec lus pagnyi sus lus dos; Y s'en allaient pour du paison, Des crabbes, du homard où du lanchon. Ils étaieant tous des hommes abiles. Y s'nomaient, Flip, Jen et Archilles, Avec yieun appelet Jean Ernom, Ils aimaient tous bein l'paison. Ils avaient preins des provisions, Du lard, du beurre et des oignons; Du cidre et d'la biéthe en bouteilles. Du gin, d'ieau-d'vie et des merveilles. Mais quand y furent dans l'batté, Yieun d'yieux perdit sans chappé; Y fut obligit d'emprunté, Eunne tunette pour s'enrvéné. Chonchein arrivit l'Samedi, Et y r'veinrent siez yieuex l'Lundi; Quand vint l'Dimanche ils avaient faim, Et ils avaient mangi tout l'pain. Y fricachirent deux-streais lanchons, Mêlée avec des p'tits oignons; Le beurre veint à lus mantchyi, Et y n'purent pas les roussi. Ils étaient tous eun p'tit miot gris, Quand y mangirent lus buouchis; Et d'même y l'mangirent tel-qui-tet, Car y n'lavaient pas ais-tait-tet. Et y s'en r'veinrent commes des sots, Dans le batté des Ecréhos; Et y dirent jamais j'ein rithons Là, à la paisque du lanchon. Quand siez nous j'avons du lanchon, Nou'l roussis, et il est bon; Nou s'erlévthait à en mangi, Tant qu'il est bein fricachi. Livonia |
Viyiz étout: