|
Eunne anneaie je vos pâsli du vier garçon. Je sça pour les vielles filles tchanneaie, Pour vos montré si chest sans raison Qui yian à tant qui sçais resteaies. Yian a vraiment que n'ou n'aime pas, Car y font des teurs et ont tant d'ordgit; Et y font eun tel potein et d'embarras, Surtout quand y s'en vont sorti. Y sont d'theuthes a lus arrangi, Et tout le long des jours a lus mithai; Y mettes des p'tites bottes pour avé eun p'ti pi, Et pis y n'font pas bein des pas san kipiné. Yian a qui venne vos vais avec lus travas, Comme si n'ou n'en avait pas a lus donné; Et venne trejous d'vant l'heuthe du r'pas, Ils aiment comme y disse eun bouan dîné. Le sage Salomon ethait dit à chezt là, Seiz t'an vaizein ne met jamais le pi; Car tu verras que y te f'tha laid et te mépriseza, N'y va pon trop souvent, chest me qui te l'dit. Y n'est pas dit qui sont toutes de la sorte, Car y yian a quand y venne vos vais Y n'sont pas à peine sus le pas de la porte, Qui d'mande as tu tchique chose a r'grais. Chets l'a jamais n'ou n'les ranvie, Car y lus rende trejous bein utile; N'ou zaime trejous bein lus compagnie, Chest grand damage que chests la sçais vielle filles. Les vielles filles du temps pâsset, Tes vielles et bein vielle a trente ans; Y mangeais lus crôtein trempait, Car souvent y n'avais pas de dents. Mais acheteu Mesdames les vielles filles, En ont toute suite eun bieaux chippé; Avec lus belles robes et touos lus frilles, Et lus fieurs et pieummes sus lus chapé. Je vos asseuthe qui faout de bouan sous Pour maintné chès sorte de drinettes la; Les pouores hommes esçais souvent souos le fou, Si'l avais à les gardé longtemps dans chu "style" la. Yian a etout qui lus faout des bicyclettes, Car yne peuvent pas trop bein marchi; Et pis d'aoutre qui lus faout des lunettes, Y peuvent vais sans, mais ches par ordgi. Yian a qu'on pus de chinquante ans, Et quand n'ou les vait dans les rues, Avec touos lus teurs et lus farballans, Nou lus en donnait que trente au pus. Mais yian a qui mettes des tas de farballas, Chest seulement quand y sont a lus proméné; Mais siès yieuex chest comme des êspeuethas, Et y passe lus jours a yiethe ou a brodé. Criyious que les hommes veulent être embêtais Davé siès yieueux des dames ornements; Nannin, nannin, ils aiment mus lus libertaies, Ou conv'nais avec me que ch'nest pas êtonnant. Yian a yieunne qu'à doeux bieaux câts, Mais y ne faout pas qui mange de soiethis; Le nom de yieun est Simim, l'aoutre est Thomas, Mais où les adore ses doeux chier petits. Mais y ne faout pas qui sorte au sé, Car la rouzeaie lus dounait la roupie; Comme ou lus dit y faout resté avec mé, Car ou zêtes ma seule et bouanne compagnie. Si ou faisait pustôt cheinque St. Jacques lis dit, De prendre soin des veuves et des orphelins; Ou sçait pus heutheuse et comme nou dit, Ou daismouzithait doeux ou trais gros ch'lins. Car yia eun temps pour toutes choses, Comme nos a dit le sage Salomon; Et toute les fieurs ne sont pas des roses, Si n'ia pas de bieautet y peu yiavait du bon. Y n'est pas a faithe d'etre belle pour mathié. Mais y faout de l'amour et de la charitet; L'Angiaies dit: "There's charms independent of beauty" Avec chest choses là l'union est compièt. Et bein je crai que je vos en ai dit asseaies, Et il est temps pour me de m'arrêté; Si yian a tchiqueunne que v'la qui pique le naies, Et bein mes Dames ou pouvaies vos gratté. Livonia |
Viyiz étout: