|
Un mainsnage de vier garçons, J'ai oui parfais dire, Est un mainsnage de couochon, Mais je n'fais qu'en rire; Pourtant s'il y-avait quiq' gniaise Qui voudrait me mettre à m'n aise, J'ne d'mand'dais pas mûx, ma fé. J'ne d'mand'dais pas mûx. J'aimrais bein, s'i' n'y-avait qu'à, Trouver une hardelle Pour souengnir de m'n attira; J'voudrais qu'ou s'sait belle, Et qu'ou m'aimrait d'tout sen coeu, Et qu'ou s'sait tréjous d'humeu A m'faire la fête, A me A m'faire la fête. Et si oulle avait des sous Ou n'en s'sait pas d'piere, Car ch'est une chose etou Qu'est bein necessaire Car pour aver des fricots Et pour êlever des marmots I faut pllein une cauche De sous, De sous pllein une cauche. Hardi d'filles sont si fardèes Qu'i faut prendre garde D'n'aveir pon les daigts brulès; Pour de me j'y rgarde; Et ch'n'est pas l'tout d'ête scouori. I faut bein bere et mangi Pour jouir de la vie, Un miot, etou Pour jouir de la vie. Il y-en a qui voudraient bein Qu'nou lûs frait une offre Qui cout linge et hardes tout pllein, Tout pllein un grand coffre; Mais ch'nest pas l'tout que des chours I faut aver touos les jours D'la graisse à les cuire, Etou, auveu D'la graisse à les cuire. Entre vous qui m'êcoutez En connaissous iune Qui sait belle et bouanne assez Qt qu'iait d'la fortune; Et qui vieille sans pus d'faichon Vnin au scours d'un vier garçon. Ah! faites la connaitre, à me, Faites la me connaitre J'en frai une brachie, en l'heu, J'en frai une brachie. PL |
Viyiz étout: