Et bein nannin chest vieirs pieircheurs
Quand y les vaient; y les font asseais d'teurs
Mais ne v'la tont; Jamais eun p'tit mot d'mathiage
Ils aiment mus être touos seurs à prendre de p'tits viages.

Souvent quand y lus ont fait eun p'tit d'attention
Yian à qui sont si simpyïe y eraie qu'chest pour tout d'bon
Et pis quand vein eun temps y nont bein d'sappointeais
Ils ont bein du chagrein, et l'dîsent à lus memée.

Pourtant j' avais erquémendet eunne "nice" vieille fille
Et qu'appartient d'eunne bein bouanne famille
Où sait faithe du podein et d'bouans p'tits fricots
Pour les vieirs garçons; ne v'la chein qui lus faut.

Ils aiment mus resté siez yieux au sai
Au lieu d'lus promné quand y fait bieau kïai
J'en connais yieunne que bein souvent y yiangnie
J'sait eunne charitet d'la promné quand la leunne lis.

Quand y fait kïai d'leunne chest bein pus agréyïabe
Nou z' "enjoy" tréjous pus eunne petite promnade
J'comprends qu'les vieirs garçons sont tréjous d'miyieuthe humeur
Car le qu'mein est pus facile quand y lus enrvont touos seurs.

J'en connais plusieurs qui dévthaient lus mathié
Y m'lont dit yieux même de tâchit d'lus trouvé -
- Eunne "nice" petite femme de bein bouanne humeur
Car y faut qui sçaient soignis par nièche où par soeur.

Mais comme chest eunne chose que n'où n'aime pas à smêlé
Car dans l'mathiage chest châtcheun pour sé
Nou s' entre prend pour le mus où pour le pièthe
La seule chose est faut tâchit de s'entre piaithe.

Eunne anneais j'meins deuex-strès mots dans l'almanach
Pour tâchit d'pâssai chute bouanne vieille fille là
Ne v'la tit pas l'anneai bétôt pâsseaie
Et vieille fille, et vieir garçon sont ouquo restaies.

Yieun des vieirs garçons à t'chi j'fais allusion
A eunne grande ferme, et eunne magnifique maison
Tchi domage de lâissi, à sa mort, tout chonna
Pour toute eunne anneai au Seigneur de chu fief là.

Touos les vieirs garçons dèvthaient payï
Eunne bouanne taxe touos l'zans pour le profit -
- Du "Home" pour les garçons où pour l'Orphelinat
Si chonna est fait; le nombre molitha.

Si les Estats adoptais man piân
Y sçais taxeais devant longtemps
L'Ile en profit'rait sus pus d'un sens
Tchesque où zen penseais es bouannes gens.

Georgie