|
Sus la télévîsion aniet Jé vis l'drein viage dé la Reine Méthe. Ché n'fut pon lé deu couronné, Mais l'espé tchi règne dans l'chînm'tchiéthe. Y'a trente ans, dans lé Rouoge Bouoillon, Jé vis, chutte fais-là, la Reine Méthe Tchi pâssit drait d'vant ma maîson: La fouai tchi rit dans la mémouaithe. Sa fache? Nânnîn. San bieau chapé? Oui-dgia, l'înmage en est bein cliaithe. Aniet, ou pâssit. La dreine fais Qu'nou vèrra pâsser la Reine Méthe.
Geraint Jennings
|
Viyiz étout: