Les Pages Jèrriaises

Lé j'va supèrsonnique

Dans man rêve, né v'là un j'va,
un j'va supèrsonnique
tchi couort amont et ava
sans qu'pèrsonne né lé fique.

Lé j'va du rêve couort d'eune ièrre
tchi fait tout l'monde blyîntchi;
véthe, chu j'va, il est supèr,
et l'affaithe est clyîntchie.

Lé j'va s'en va bein quédaine,
bein pus quédaine qu'lé son;
et chu j'va n'mange pon d'l'avaine,
mais d'la pétrole d'avion.

Geraint Jennings

 

Viyiz étout:

 

Les Pages Jèrriaises