Les Pages Jèrriaises

Hèque Bêlarus

Avaû l's av'nues coursent des dêmînses scôr'tées,
ès téléphones dé pouchette en béluets -
des minnes scâlées, blianches et rouoges coumme du fé.

I' bueûlent, ches bieaux et belles dans lus bélots.
Des scouâles dé moûques mastchies lus tchaient sus l'co:
minnes dé cat-rôti, minnées jusqu'ès os.

Cache! Les êdînmîns qu'i' bliouquent èr'ûssèlent
èrbêles; un bliussé d'vouaix dêvyient dans l'bel.
Au mitan d'crînmes blianchis, du sang russèle...

Geraint Jennings

 

Viyiz étout:

 

Les Pages Jèrriaises