|
Si tu peux vaie tchulbuter lé travas d'ta vie Et sans dithe un seul mot, c'menche à l'èrbâti Ou perdre d'un seul coup tout chein qu' tu'as gângni Sans un geste et sans soupi Si tu peurs être galant sans être fo d'amour Si tu peurs être fort sans cêssi d'être tendre Et, te sentant haï, sans haine à tan tou, Pouortant en littant à té d'fendre. Si tu peurs suffatchi d'ouï tes patholes Changis ès laiduthes pour êcauffer des bégauds, Et d'entendre menti contre té lus folles goules Sans menti té-même d'un seul mot ; Si tu peurs rester dîngne en étant populaithe Si tu peurs être du monde en avissant des Rouais Si tu peurs aimer touos tes anmîns comme fréthe Sans qu'autchun d'ieux sait tout pour té. Si tu sais reunminner, èrgarder et connaître, Sans janmais dev'nîn douteux ou déstructeur Rêver, mais sans laîssi tes rêves être tan maître Penser sans être rein qu' penseur Si tu peurs être dû sans janmais être en guédon Si tu peurs être brave et janmais înmprudent Si tu sais être sage, si tu sais être bouon Sans être moral ni pedant. Si tu peurs rencontrer Triomphe auprès Dêconfituthe Et r'chever ches deux emblieuteux d'un même front Si tu peurs consèrver tan couothage et ta tête Quand touos les autre perdrent les leurs ! Don' les Rouais, les Dgieux, la Forteune et la Victouaithe S'sont pour trèjous tes escliaves souomît. Et chein tchi vaut bein mus qu'les Rouaix et la Glouaithe Un homme Tu s'sa, man fis.
Rudyard Kipling Vèrsion Jèrriaise par ASW
|
Viyiz étout: