|
Nos beusses boulent et bouogent dans la niet, nos engîns gronnent et houinnent, et j'nos ent'-viageons sans titchets du couochant à l'assinne. Nos beusses dans la niet bouogent et boulent lé travèrs d'rêves leunés; nos reues feuntchies gouôtent et engoulent du chucre et du chuchet. Dans la niet nos beusses boulent, et bouogent nos hanques, nos seins, nos reues; j'sonnons les clioches. Nos veues blyînquent rouoges: j'cachons au battement d'tchoeu. Dans la niet bouogent et boulent nos beusses acouo sans qu'il' aheuquent, quandi qu'les pâssagièrs miâquent deux'- trais boulets aigres et meûques. Les cacheurs liquent lus chucriéthes remplyies d'tout chein tch'est bé, pouor faithe pliaîsi ès pâssagiéthes. Nos beusses croch'tent dans la niet.
|
Viyiz étout: